Badesalz

Badesalz

Urhessisches Komikerduo


 2014 hab ich uff Bidde von de Anja e bissi Werbung für de AKHD Adventskallenner gemacht unn hatt mir aach selbst welche gekaaft –  hab ich eischentlich was gewonne?

Des gewinne war abber aach egal – die Idee, die Sach un de Gedanke was Gudes zu due hat voll und ganz überzeuscht.

Ich muss glaab  ich net erklärn, wie wichtisch und großartisch die Arbeit vom ambulante Kinder- und Jugendhospizdienst is und ich bewunner jeden, der sei Kraft un sei  Zeit dafür verwend.

De AKHD war mir bis damals net bekannt, unn  wahrscheinlisch geht des viele annnern Mensche  aach so. Unn so seh ich bzw. mir, nämlich mein Kumpel Gerd, gemeinsam sinn mer ja als Badesalz bekannt, es als unser Uffgab aa, diese Organisation und die Freunde des AKHD in die Öffentlichkeit zu bringe, damit mehr Familie geholfe wern kann, die mit nem lebensbedrohlich schwerstkranke Kind dringend Unterstützung brauche.

Mittlerweile spende de Gerd unn ich aach gern e ma Tickets für hinner die Türscher beim Adventskallenner, des iss e subber Sach und mir freun uns uff die Gewinner.

Mir freue uns des mir zu dene Freunde des AKHD zähle und sinn froh, des mir so aach dezu beitrache könne, annern Menschen zu helfe.

De Henni unn de Gerd

Henni Nachtsheim und Gerd Knebel. Zusammen bilden sie das urhessische Komikerduo “Badesalz”